Փետրվարի19

#Գրքատոն

#Համագործակցություն

«Սպիտակի քաղաքային գրադարան» ՀՈԱԿ-ի մանկական բաժնում այսօր տոն էր: Հյուրընկալել էինք Ալ. Մյասնիկյանի անվան թիվ 1 հիմնական դպրոցի 2-րդ դասարանի աշակերտներին՝ գրքատոնի և Հովհաննես Թումանյանի ծննդյան օրվա առթիվ կազմակերպված գեղեցիկ միջոցառման շրջանակներում:

Օրը լեցուն էր գրքի հանդեպ սիրով, մանկական ժպիտներով և ջերմ մթնոլորտով:

Աշակերտները հանդես եկան հեքիաթային բեմադրությունով, ներկայացրեցին հետաքրքիր դրվագներ, երգեցին՝ միջոցառմանը հաղորդելով իսկական տոնական շունչ: Միջոցառման գեղեցիկ պահերից մեկը գրքերի փոխադարձ նվիրումն էր: Երեխաները գրքեր նվիրեցին միմյանց՝ ընդգծելով, որ գիրքը լավագույն և ամենաթանկ նվերն է:

Գրադարանը շատ է կարևորում նմանօրինակ համագործակցությունները, որոնք էլ ավելի են ամրապնդում գրադարան-դպրոց կապը և երեխաների մեջ սերմանում սեր դեպի գիրքը:

Շնորհակալություն թիվ 1 հիմնական դպրոցի տնօրեն Աննա Թովմասյանին և դասվար Իրինա Սահակյանին, գրադարանի տնօրեն Քրիստինե Ջուլհակյանին արդյունավետ և ջերմ համագործակցության համար:

Թո՛ղ գրքի լույսը և Թումանյանի խոսքը միշտ ուղեկցեն մեր փոքրիկ ընթերցողներին:

Մեզ կարող եք հետևել նաև մեր

պաշտոնական վեբ կայքով՝

http://spitak.reglib.am/

յութուբյան ալիքով՝

https://www.youtube.com/channel/UCHZl2h5NahJvP6W5hGLgtsw

instagram-ով

https://www.instagram.com/spitak.city.library