ՆՈւՆԵ ԳՐԻԳՈՐՅԱՆ-85
Այսօր «Սպիտակի քաղաքային գրադարան» ՀՈԱԿ-ում կազմակերպվել էր հեքիաթի ժամ՝ նվիրված մանկագիր Նունե Գրիգորյանի ծննդյան 85-ամյակին:
Գրադարանավար Տաթևիկը մեր փոքրիկ ընթերցողների համար ընթերցեց «Ուրախ երազ» հեքիաթը «Սաթենիկը և ուրիշները» շարքից: Նրա ստեղծագործությունները՝ լի ջերմությամբ, բարությամբ, սիրված են թե՛ փոքրերի, թե՛ մեծերի կողմից:
Երեխաները մեծ հետաքրքրությամբ լսեցին հեքիաթը և կիսվեցին իրենց երազներով ու տպավորություններով:
Մանուկների համար գրված նրա հեքիաթները և բանաստեղծությունները տպագրվել են մանկական հանդեսներում, իսկ պիեսները՝ ռադիոբեմականացվել։ Նունե Գրիգորյանի ստեղծագործությունները շարունակում են դաստիարակել սերունդներ՝ սովորեցնելով բարություն, անկեղծություն և հավատ դեպի լավը:
