Գիտելիքի և դպրության օր

Սիրելի՛ դպրոցականներ, մանկավարժներ, ծնողներ, սրտանց շնորհավորում ենք բոլորիդ սեպտեմբերի 1-ի՝ Գիտելիքի օրվա և նոր ուսումնական տարվա մեկնարկի առթիվ։ Ցանկանում ենք ձեզ միայն հաջողություններով և նվաճումներով լի տարի։

Գիտելիքի օրը թող հիշեցնի, որ գիտելիքը երբեք չի ծանրացնում, այլ թևեր է տալիս։ Թևեր՝ բարձրանալու, հաղթահարելու, երազանքներին հասնելու։ Թող յուրաքանչյուր բացվող գիրք մեզ համար դառնա նոր աշխարհ, իսկ յուրաքանչյուր սովորած գիտելիք՝ ուժեղ քայլ դեպի լուսավոր ապագա։ Թող մեր ուղին լցված լինի հայտնագործություններով, ոգեշնչմամբ և այնպիսի գիտելիքներով, որոնք մեզ դարձնում են ավելի լավը, ինչպես մեզ համար, այնպես էլ աշխարհի։ Գիտելիքը միշտ եղել է և կմնա ամենամեծ հարստությունը․ թող այդ հարստությունը ուղեկցի մեզ ողջ կյանքում։ Թող նոր ուսումնական տարին մեզ բոլորիս բերի մեծ ջանասիրություն, խանդավառություն և ամենօրյա փոքրիկ հաղթանակներ։