ԳՐԱԴԱՐԱՆՈՒՄ ԱՄԱՌԸ ԹԵԺ Է
Այսօր Սպիտակի քաղաքային գրադարան էին այցելել Սպիտակի ԵՄՔԱ-ի ամառային դպրոցի երեխաները, որտեղ նրանց օրը վերածվեց իսկական տոնի: Երեխաները մեծ ոգևորությամբ շրջեցին մանկական բաժնում, ծանոթացան գրադարանից օգտվելու կանոններին, դիտեցին գրքային և հոբելյար ցուցադրություններ:
Նրանք երգեցին, պարեցին՝ ուրախությամբ լցնելով գրադարանի մթնոլորտը:
Գրադարանավարները նրանց համար պատրաստել էին հետաքրքիր խաղեր, հանելուկներ: Երեխաները մեծ ոգևորությամբ մասնակցում էին և հետաքրքիր հարցադրումներ անում գրադարանավարներին:
Մենք ուրախ ենք մեր փոքրիկ այցելուների համար և հուսով ենք, որ այս հանդիպումը երկար կմնա նրանց հիշողություններում:
