ՀԱՄԱԳՈՐԾԱԿՑՈւԹՅՈւՆ
Հերթական այցով Սպիտակ համայնքի թիվ 2 մանկապարտեզի ավագ խմբի սաները (դաստիարակ Հասմիկ Չոբանյան) հյուրընկալվեցին Սպիտակի քաղաքային գրադարանում։
Գրադարանի տնօրեն Քրիստինե Ջուլհակյանը խոսեց գրադարանի և գրքի դերի կարևորության մասին, նշեց նաև, որ գիրքն էլ երեխաների պես մարդակային հոգու ամենամաքուր էությունն է:
Այնուհետև գրադարանի աշխատակից Սվետլանա Մացակյանը վարեց հետաքրքիր զրույց փոքրիկների հետ, խոսեց սիրելի հեքիաթների մասին, կարդաց հեքիաթներ և երեխաների հետ բեմականացրեց Աթաբեկ Խնկոյանի «Պապն ու շաղգամը» հեքիաթը:
Հանդիպումը ոգևորեց երեխաներին և ընթացավ շատ հետաքրքիր ու ջերմ մթնոլորտում: Շնորհակալական խոսքով հանդես եկավ մանկապարտեզի տնօրեն` Աննա Հովակիմյանը և գրադարանին նվիրեց գրքեր մանկապարտեզի սաների կողմից։
Հուսով ենք, որ նման համագործակցությունները կլինեն շարունակական, ինչն էլ կօգնի երեխաներին էլ ավելի մոտ գտնվել գրքին և գրադարանին:
