ԱԶԳԱՅԻՆ ԳՐԱԴԱՐԱՆԱՅԻՆ ՇԱԲԱԹ


Ապրիլի 13-ին մեկնարկել է Ազգային գրադարանային շաբաթը,այն կտևի մինչև ապրիլի 20-ը ներառյալ:Ազգային գրադարանային շաբաթը այս տարի նվիրված է Աննա Ֆրանկին: Արտակարգ դրության պատճառով այս տարի գրադարանային շաբաթը կանցկացվի առցանց:
Մեր շատ սիրելի ընթերցողներ.
մենք համոզված ենք,որ ձեզնից շատերը հաճույքով և մեծ զգացումով են կարդացել <<Աննա Ֆրանկի օրագիրը>>, և հույս ունենք առցանց կմասնակցեք քննարկմանը:
Ընդամենը տասնհինգ տարեկան աղջնակը կյանքի երկու տարին ստիպված է եղել անցկացնել մեկուսացման մեջ՝ պատսպարվելով նացիստական արհավիրքից։ Դժվար այդ տարիներին Աննան չի կորցրել ոգու տոկունությունը, զբաղվել է ինքնակրթությամբ, կարդացել ու գրել՝ վարելով օրագիր, որը իրենից հետո հրապարակվել է, թարգմանվել վաթսունից ավելի լեզուներով ու տարածվել տասնյակ միլիոնավոր օրինակներով՝ անմահացնելով «Աննա Ֆրանկ» անունը պատմության մեջ։
<<Աննա Ֆրանկի օրագիրը>> հայերեն առաջին անգամ թարգմանվել է 1962 թվականին։ 2019 թ․-ի հունիսի 12-ին՝ Աննայի 90-րդ տարեդարձին, լույս է տեսել բնագրից՝ հոլանդերենից, առավել համապարփակ թարգմանությամբ հրատարակությունը, որը կրում է «Հետնատունը» անունը:
2019 թ-ի հրատարակությունը, ցավոք,բացակայում է մեր գրքային ֆոնդում:Խորհուրդ ենք տալիս ընթերցել գիրքը և պահպանել փոխադարձ կապը,արտահայտել ձեր կարծիքը գրքի վերաբերյալ:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Secured By miniOrange