Ազգային գրադարանային շաբաթ 2026

#գրադարան_դպրոց#համագործակցություն

Սպիտակի քաղաքային գրադարանը ընդունելով Ազգային գրադարանային շաբաթի ուղերձը՝ «Դպրոցական գրադարանները նորարարության տիրույթում», շարունակում է միջոցառումների շարքը: Այս տարի համագործակցությունը Լեռնանցքի Մեսրոպ Վարդանյանի անվան միջնակարգ դպրոցի հետ էր, որը անցկացվեց դպրոցի ջերմ և հյուրընկալ հարկի տակ՝ իրենց լուսավոր գրադարանում: Միջոցառումը, որը կրում էր «Ծիծաղի և ճշմարտության վարպետը» խորագիրը, նվիրված էր բանաստեղծ, երկիծաբան Արամայիս Սահակյանի 90- ամյակին:

Աշակերտները ներկայացրեցին վարպետի կյանքն ու ստեղծագործական ուղին, հնչեցրին նրա բազմաժանր ստեղծագործություններից, ներկայացրեցին հումորային դրվագներ:

Միջոցառումը համեմված էր երգ ու պարով, քանոնի հնչյուններով: Ամբողջ ընթացքում գրադարանում թևածում էր ջերմ մթնոլորտ: Երեխաները հուզվեցին և հուզեցին ներկաներին՝ անմոռանալի պահեր պարգևելով:

Այսպիսի հանդիպումները նպաստում են գրադարան-դպրոց սերտ կապին՝ երեխաների մոտ զարգացնելով սերը դեպի ընթերցանություն:

Շնորհակալություն դպրոցի տնօրենությանը և միջոցառման կազմակերպիչ, Լեռնանցքի Մեսրոպ Վարդանյանի անվան միջնակարգ դպրոցի գրադարանավար Վիոլետա Չոբանյանին, Սպիտակի քաղաքային գրադարանի գրադարանավարներ Տաթևիկ Ասլանյանին, Անի Խաչիկյանին՝ համագործակցության և այսպիսի գեղեցիկ միջոցառում իրականացնելու համար:

Շնորհակալություն ենք հայտնում նաև Սպիտակի քաղաքային գրադարանի տնօրեն Քրիստինե Ջուլհակյանին՝ ում աջակցությամբ կյանքի կոչվեց այս գեղեցիկ նախաձեռնությունը:

Մեզ կարող եք հետևել նաև մեր

պաշտոնական վեբ կայքով՝

http://spitak.reglib.am/

յութուբյան ալիքով՝

https://www.youtube.com/channel/UCHZl2h5NahJvP6W5hGLgtsw

instagram-ով

https://www.instagram.com/spitak.city.library

и ещё 31

Смотреть статистику

Создать объявление

48

2

12

Индикатор статуса “Онлайн”В сети