ՔՆԱՐԻԿ_ԳՐԻԳՈՐՅԱՆ
Հունվարի 30-ին «Սպիտակի քաղաքային գրադարան» ՀՈԱԿ-ում տեղի ունեցավ վաստակաշատ տնօրեն տիկին Քնարիկ Գրիգորյանի մեծարման և հրաժեշտի երեկոն: Երեկոյին ներկա էին համայնքապետարանի աշխատակազմի ղեկավար Ազգանուշ Ֆրանգյանը, Կրթության, մշակույթի, սպորտի և տուրիզմի բաժնի պետ Մելանյա Դանիելյանը, համայնքապետարանի աշխատակիցներ, կրթության և մշակույթի ոլորտի ներկայացուցիչներ, ընթերցողներ:
Ազգանուշ Ֆրանգյանը ընթերցեց համայնքի ղեկավար Քաջայր Նիկողոսյանի ուղերձը: Իրենց գրագետ և մեծարանքի խոսքով հանդես եկան վաստակաշատ լրագրող Ֆահրադ Ափուջանյանը, վաստակաշատ մտավորական Սամվել Մաթոսյանը, ՀՀ մշակույթի վաստակավոր գործիչ, Սպիտակի պատվավոր քաղաքացի Ռոբերտ Մաթոսյանը, թիվ 2 հիմնական դպրոցի տնօրեն տիկին Լուսինե Մաթոսյանը, «Մշակույթի տուն» ՀՈԱԿ-ի տնօրեն Աննա Աջամյանը, մանկավարժ Գայանե Սահակյանը, քոլեջի աշխատակից Ֆրունզ Համբարյանը, գրադարանի բարեկամ Վալոդյա Մխոյանը:
Իրենց մասնակցությամբ հանդես եկան մեր լավագույն ընթերցողներ՝ Մարգարիտան, Էլմիրան, Սեդան, Լիլյան, Գոհարիկը, Մարին և Միլենան: Իրենց սրտի խոսքը հղեցին գրադարանի աշխատակիցները:
Շնորհակալ ենք տիկին Գրիգորյանին, որ մեզ թողել է գրքի և գիտելիքի նկատմամբ մեծ սեր և կարևորությունը տվել գիտելիքին և կրթությանը:
