Հունիսի 29-ին Անտուան դը Սենտ-Էքզյուպերիի ծննդյան 120-ամյակն է
Ֆրանսիացի գրող և օդաչու Էքզյուպերին 20-րդ դարի ամենախոշոր գրողներից մեկն է: Նրա ստեղծագործությունները առանձնանում են մարդասիրական գաղափարներով , որի համար արժանացել է «Ֆեմինա» մրցանակի:
Գրել է «Գիշերային թռիչքը», «Մարդկանց երկիրը», «Ռազմական օդաչու» վիպակները, «Փոքրիկ Իշխանը» հեքիաթը: Այն լույս է տեսել 1942 թվականին:
Հեքիաթը իր արտահայտած գաղափարներով, նյութի ընդգրկումով դուրս է գալիս հեքիաթի սահմաններից և դառնում մեծ հմայք և ասելիք ունեցող գործ ոչ միայն փոքրերի, այլև բոլոր տարիքի ըներցողների համար:
«Փոքրիկ Իշխանը» համաշխարհային համբավ է վայելում:
Մեր գրադարանի ընթերցողները ևս շատ են սիրում այս հեքիաթը և քանի որ նրանք սիրով են վերլուծում նյութը, առաջարկում եմ ներկայացնել իրենց մեկնաբանությունները:
- Ինչու՞ եք սիրում այս հեքիաթը:
- Խորհրդատու՞ է արդյոք գլխավոր հերոսը:
- Ինչ ՞ սովորեցրեց հեքիաթը:
- Նայեցի՞ք Ձեր ներսը… արդյո՞ք պատասխանատու եք նրանց համար, ում ընտելացրել եք:
Կարող են մասնակցել և՛ փոքրերը, և՛ մեծերը, ուզում ենք նաև հիշեցնել, որ նրանք, ովքեր չեն կարդացել այս գիրքը, թող անպայման կարդան, միայն թե շատ ուշադիր:
Գրքի վրա կարմիր օձիք ունեցող, բաճկոն հագած, շեկ մազերով, բարի ժպիտով մի տղա է նկարված: Նրա հայացքը թափանցող է և խելացի… և գիտե՞ք ով է նա… փոքրիկ իշխանը, որը ձեզ շատ բան կսովորեցնի: